Talabalar ijara to‘lovi bir qismini qoplab berish bo‘yicha onlayn ariza berishi kerak
Talabalar ijara to‘lovlarining bir qismini qoplab berish bo‘yicha har oyning 7-sanasiga qadar onlayn ariza berishi kerak.
Foto: Kun.uz
Ariza berish quyidagicha amalga oshiriladi:
- kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
- shaxsiy kabinetdan «Ijara to‘lovlari» bo‘limi tanlanadi;
- «Ariza yuborish» tugmasi bosiladi va ariza yuboriladi.
Bunda 1-bosqich talabalaridan joriy o‘quv yilining sentabr va oktyabr oylari uchun ijara shartnomasi talab etilmaydi.
Ikkinchi va undan yuqori kurs talabalari uchun ijara shartnomasi bo‘lishi talab etiladi.